السلام عليكم ????????
عارفه اني تأخرت عليكم بكتابة التدوينه وأعتذر من البنات اللي ينتظرونها بشده
الفتره اللي راحت كنت مشغوله أخلص طلبات الرسم اللي علي في وقت قصير لأن كان لازم أروح بعدها لبيت أختي في الجبيل الصناعيه لأنها ولدت ????وتعرفون سوالف النفاس وكذا فإنشغلت عن النت كله
وللحين انا عندها لكن بديت ألاقي أوقات فراغ فحبيت أكمل معاكم سلسلتنا
اللي ماشاف التدوينه السابقه الطباعه الحراريه :١-الطابعه سبليميشن
❤️ يللا نكمل
٢- الورق الناقل
2- transfer paper
============
فكرة الورق الناقل هو الآداه اللي راح ننقل فيه التصميم من شاشة الكومبيوتر الى سطح القطعه اللي نبغى نطبع عليها
وطبعاً فيه انواع وماركات مختلفه لهذا الورق لكن أنا بكلمكم عن النوعين اللي جربتهم
النوع الأول : ورق صيني عادي
بصراحه اشتريته مجموعه اظن ١٠٠ ورقه في الكرتون ومو واضح اسم الماركه بتأكد منها بعد ماأرجع لمكتبي
المهم هذا النوع جدا عملي وسهل ونتائج الطباعه فيه مرضيه ونادر تحصل فيه اخطاء بعد الانتهاء من الاستخدام
هذا الورق يستخدم للطباعه على جميع الأسطح والخامات ( اكواب السيراميك، الصحون، اغطية الاجهزه الذكيه ،تي شيرتس مصنوعه من القطن ١٠٠٪…) واشدد على موضوع التي شيرتس القطن انها لازم ١٠٠٪ قطن والا ماينفع
______
تعليمات إستخدام الورق
______
الورق يجيك بوجهين ،الوجه الأكثر بياضاً هو اللي راح تطبع عليه الطابعه-
استخدمو الشريط اللاصق لتثبيت الورق عالخامات عند مرحلة الكبس الحراري، الشريط موجود بكل مكان يباع فيه هالورق و سعره ٥ ريال-
قبل الكبس الحراري احرصو ان الورق يكون مفرود وملتصق على سطح الخامه بحيث مايكون بينهم فراغ-
بعد الكبس احرصوا على إزالة الورق عن القطعه قبل ان تبرد لأنها اذا بردت يصير صعب ازالته –
==================
نجي للنوع الثاني: ورق إنك برو الألماني
نفس الشي ١٠٠ ورقه تجي في الكيس الواحد ، برضو بتأكد لكم من السعر لماأرجع مكتبي ???? المعذره
يستخدم ورق إنك برو للطباعه على الاقمشه غير القطن وبالذات البولياستر ممتاز جدا معهض
ميزة هذا الورق نتيجة الطباعه فيه تكون رائعه والألوان خلاااابه
لكن عيبه انه غير عملي لأنه غالي و إستخدامه يستوجب الحذر الشديد والا ستفشل الطباعه
ملاحظين اني مره بالفصحى ومره عامي????ماعلينا
_______
تعليمات الاستخدام
_______
نفس الشي الورق له وجهين بس هالمره الوجه اللي تطبعون عليه واضح ، لأن الوجه الآخر يكون عليه كتابه-
قبل الكبس الحراري تأكدو إن الورق يكون مقلوب عالوجه المطبوع فيه التصميم عشان ينكبس عالخامه –
تأكدو ايضاً من ان الورقه موضوعه في المكان الصحيح بالنسبه للتي شيرت اذا كنت تطبع على تي شيرت او بالنسبه لأي قطعه قماش-
بعد الكبس وهنا ركزو وانتبهو لأن كثير تحصل معي ،، لازم تزيلون الورقه عن القماش بسرعه وبمجرد رفع المكبس الحراري عنها لأنها خلال ثواني تلتصق بالقماش ويصير نزعه شبه مستحيل ،، وأعتبر هذا الشي أكبر عيب فيها-
============
هذا كل شيء يخص الورق الناقل، قد يكون فيه نقاط نسيت أذكرها ، فاللي حابه تضيف أي معلومه واللي حاب يعلق أو يسأل عن اي شيء بخصوص الورق أرحب بذلك هنا في الكومنتلت عشان يكون مرجع لكل من يمر عالتدوينه
وإذا أعجبتكم التدوينه لاتنسون مشاركتها مع من يهمه الأمر????
سجل بريدك الإلكتروني ليصلك الجديد
من فين نشتري الورق بالسعودية
راح تلاقينه متوفر عند المطابع المتخصصه في الطباعه الحراريه
انا اشتريته من المطابع اللي بحي العدامه بالدمام
حبيبتي ممكن تذكرين لنا حرارة الطباعة لكل خامة كم تحتاج ????
اهلاً بك
شوفي التدوينه الاخيره تبع المكبس الحراري فيها درجات الحراره والزمن
السلام عليكم
انا عندي طابعه سبلميشن والمكبس اشتريت ورق حراري صيني بس بعد الكبس الصوره ما تظهر بالكوب وتكون نفس ماهي عالورقه ايش المشكله ؟؟؟؟؟؟
أتوقع انك تتطبعي ع الاتجاه الخطأ على الورقة
What a joy to find soonmee else who thinks this way.
كتجربه انا كنت اواجه نفس المشكله وتطلع الصوره باهته فالافضل استخدام الورق الخاص بالطباعه الموجود بالمكتبات الخاص بالاكواب واشياء ثانيه مرسومه على الكرتون وبالذات للأكواب السيراميك الأبيض
لأن الكوب ليس صالح للطباعة
حبيبتي ﻻزم تكون له طابعه معينة وﻻ ﻻ ؟!
السلام عليكم كيف الحال
شكرا وبارك الله فيكي
عندي سؤال هل الطبع على القماش او الكاسات او الكبيات او الخشب لازم له ورق سبلميشن وحبر سبلميشن ؟
انا عندي صارت مشكله كبير بعد ما غير الورق لسبلميشن ارجوا الرد
طلبت ورق جاني الورق كأنو ورق عادي لما اطبع مايطلع شي على التيشيرت فامني عارفه كيف اسويع اسم الورق سبلميشن ترانسفير
اسويه
هل لازم يكون عندي طابعة سبلميش عشان الطبع ع الورق ولا عادي الطبع بطابعة عادية
1-الطباعة بالحرارة بتتقشر ولا ثابتة ؟؟؟
2-ممكن تذكرين انواع الطباعات الاخرة غير الطباعة بالحرارة ؟؟؟
ممكن اسم او صور للاشرطة اللاصقه لتثبيت الورق الحراري لاني اطلبه من المكتبه مو فاهم علي
انا ايضا طبت صوره علي الورق ولمن جيت اطبعها علي الصحن ما طبعت وبقيت في الورقه
كيف ممكن اقدر اطبعها علي الصحن مع الشكر الجزيل
السلام عليكم .. بخصوص ورق الطباعه لطابعات الليزر أيش لازم اغير في خصائص الطابعه لأن لما أطبع على الورق يطلع الحبر مو ناشف
السلام عليكم . هل كل مكبس حراري له ورق طباعة خاص .
السلام عليكم هل متوفر في كل البلدان
يعطيك العافية على ما قدمت
ممكن سؤال عن الورق المائي
عملت عينات بالورق المائي بعد ادخالها الميكرويف وبرودها
بعضها لم يتقشر رغم حكي له
والبعض تقشر
ماهو السبب في تقشره … وماهي الطريقة الصحيحة
علما اني اقوم بتفريغ الهواء وتركه اكثر من ساعتين ومن ثم ادخله الميكرويف من ٨ دقائق الى ١٥ دقيقة
وشكرا